和黃勢弱可吼實9416

美股上周五大跌近400點，道指再度返回911事件以後低位，若失守此重要支持，後市很大機會下試擴散三角形底部7,200點。港股走勢亦告轉弱，雖然上周仍守於6月份低位10,291點之上，但係島形轉向形態經已被破壞，相信短期會繼續沿下降通道再試低位，沽輪應該開始有勢。 繼諾基亞後，愛立信亦調低未來一季盈利預測，並宣布以超過7成折讓進行供股，等錢駛程度真係得人驚！當日股價早段最多跌兩成，其他電訊股當然不能倖免，相信今日和黃(0013)亦唔會好得去邊。現時和黃沽輪選擇不多，但係要留意7月初時和黃彈過一浸，因此有幾多沽輪蟹貨於高位積壓，未必可以充分跟貼正股。今日倒不如留意隻法巴9416，隻輪於上周三新鮮上市，無乜點出過街，出年2月至到期，具不俗防守力，而且槓桿比率接近8倍，爆炸力相當高，可候低收集。

Related stock : (9416)