中移動呈超買9281可小注

雖然尋晚美股再升逾200點，但成交仍然比較薄弱，加上已接近9,000點水平，短期又未有特別利好因素支持，短期或會出現獲利回吐。港股方面，現貨及期貨亦已見技術性超賣，高追水位有限，反而趁高沽貨的值博率更高。 中移動(0941)昨日成交縮至只有約2.2億，高位購買力似已被消耗得七七八八，圖表上已見背馳訊號，走勢初步有轉弱跡象；而且中國電信將於10月招股，並講明會派高息，相對中移動更為吸引，估計高位將見一定沽壓，可考慮等正股升近23元水平可開始吼定沽輪。 現時市場上以9281較為旺場，但係街貨極多，溢價去到7.4%，已相對偏貴。反而隻9418數據唔錯，引伸波幅最低，槓桿比率去到10倍，最緊要係街貨唔多，同正股走勢相當貼，點計都較為值博，可小注吸納。

Related stock : (9281)